O‘zbekiston tashqi ishlar vaziri o‘rinbosari Yevropa Ittifoqining Markaziy Osiyo boʻyicha maxsus vakili va terrorizmga qarshi kurashish bo‘yicha koordinatori bilan uchrashdi

 

2023-yilning 30-may kuni O‘zbekiston Respublikasi tashqi ishlar vaziri o‘rinbosari G‘ayrat Fozilov Yevropa Ittifoqining Markaziy Osiyo bo‘yicha maxsus vakili Terhi Xakala va Yevropa Ittifoqining terrorizmga qarshi kurashish bo‘yicha koordinatori Ilkka Salmi bilan uchrashdi.

O‘zbekiston va Yevropa Ittifoqi o‘rtasidagi hamkorlikning dolzarb masalalari yuzasidan atroflicha fikr almashildi. Terrorizm, ekstremizm, transmilliy jinoyatchilik va giyohvand moddalarning noqonuniy aylanishi tahdidlariga qarshi kurashish yo‘nalishidagi hamkorlikni kengaytirish zarurligi qayd etildi.

Yevropa Ittifoqi vakillari O‘zbekistonning fuqarolarni, ayniqsa, mojaro hududlaridan ayollar va bolalarni qaytarish hamda jamiyatga reintegratsiya qilish tajribasini yuqori baholadilar.

Afg‘oniston yo‘nalishidagi hamkorlik masalalariga alohida e’tibor qaratildi. Afg‘onistondagi vaziyatni tartibga solish bo‘yicha muntazam muloqotni davom ettirishdan o‘zaro manfaatdorlik bildirildi. Shu nuqtayi nazardan, tomonlar joriy yil 26-may kuni Ashxobodda (Turkmaniston) Yevropa Ittifoqi va Markaziy Osiyo davlatlarining Afg‘oniston bo‘yicha maxsus vakillarining to‘rtinchi uchrashuvi muvaffaqiyatli o‘tganini olqishladilar.

Вернуться назад

Комментарии

Оставить комментарий