Vengriyaning O‘zbekistondagi Favqulodda va Muxtor Elchisi bilan uchrashuv to‘g‘risida
18-noyabr kuni O‘zbekiston tashqi ishlar vaziri o‘rinbosari Muzaffar Madrahimov Vengriyaning O‘zbekistondagi Favqulodda va Muxtor Elchisi Yojef Roja bilan uchrashuv o‘tkazdi.
Uchrashuvda o‘zbek-vengriya hamkorligining hozirgi holati va istiqbollari siyosiy, savdo-iqtisodiy hamda madaniy-gumanitar sohalar, 2026-yilga mo‘ljallangan rejalar muhokama qilindi.
Tomonlar O‘zbekiston va Vengriya o‘rtasidagi kengaytirilgan strategik sheriklikni yanada mustahkamlash va hamkorlikni amaliy mazmun bilan boyitishni qo‘llab-quvvatlagan.
Uchrashuv yakunida bir qator qo‘shma tadbirlarni o‘tkazish bo‘yicha kelishuvlarga erishildi, jumladan tashqi siyosat idoralari o‘rtasida siyosiy maslahatlar, savdo-iqtisodiy hamkorlik bo‘yicha Hukumatlararo komissiyaning navbatdagi majlislari va ishbilarmonlar kengashi, shuningdek hududlar forumlari va universitetlar rektorlarining forumlari.
