Slovakiya Respublikasi Elchisi bilan uchrashuv
2025-yilning 12-fevral kuni O‘zbekiston Respublikasi tashqi ishlar vaziri o‘rinbosari Olimjon Abdullayev Slovakiya Respublikasining mamlakatimizdagi Favqulodda va Muxtor Elchisi Viktor Boretski bilan uchrashdi.
Uchrashuvda O‘zbekiston fuqarolarining Slovakiyaga mehnat migratsiyasini tashkil etish, ushbu sohadagi qonunchilik bazasini rivojlantirish va mustahkamlash bilan bog‘liq masalalar muhokama qilindi. O‘zbekistondan yuqori malakali kadrlar tayyorlash uchun Slovakiyadan mutaxassislarni jalb etishga alohida e’tibor qaratildi.
Tomonlar mehnat migratsiyasi va kadrlar tayyorlash sharoitlarini yaxshilashga qaratilgan ikki tomonlama hamkorlikni rivojlantirishni davom ettirishga kelishib oldilar.
