Ruminiya elchisi bilan uchrashuv
2025-yil 16-sentabr kuni O‘zbekiston Respublikasi tashqi ishlar vazirining o‘rinbosari Olimjon Abdullayev Ruminiyaning O‘zbekistondagi Favqulodda va Muxtor Elchisi Daniel Kristian Chobanu bilan uchrashuv o‘tkazdi.
Suhbat chog‘ida mehnat migratsiyasi sohasida ikki tomonlama hamkorlik masalalari muhokama qilindi. Jumladan, hukumatlararo bitim imzolash, noqonuniy migratsiyaga qarshi kurashish va konsullik maslahatlashuvlarini tashkil etish masalalari ko‘rib chiqildi.
Tomonlar tizimli muloqotni davom ettirishga o‘zaro qiziqish bildirganliklarini tasdiqladilar va hamkorlikning qo‘shma choralarini amalga oshirish yuzasidan kelishuvga erishdilar.
