Qatar elchisi bilan uchrashuv
16-iyun kuni O‘zbekiston Respublikasi tashqi ishlar vazirining birinchi o‘rinbosari Bahromjon A’loyev Qatar Davlatining mamlakatimizdagi elchisi Hasan bin Hamza Hoshim bilan uchrashdi.
Tomonlar ikki tomonlama strategik hamkorlikning dolzarb masalalarini, jumladan, savdo-iqtisodiy aloqalar va madaniy-gumanitar hamkorlikni rivojlantirish, shuningdek, avval erishilgan kelishuvlarni amalga oshirishni muhokama qildilar.
Shu bilan birga, mintaqadagi vaziyat hamda barqarorlik va xavfsizlikni mustahkamlash chora-tadbirlari yuzasidan ham fikr almashildi.
