O‘zbekiston va Misr tashqi ishlar vazirlari telefon orqali muloqot qilishdi
O‘zbekiston tashqi ishlar vaziri Baxtiyor Saidov Misr tashqi ishlar vaziri Badr Abdula'ti bilan telefon orqali muloqot qildi. Ikki tomonlama o‘zaro aloqalar jadal rivojlanib borayotgani alohida ta’kidlandi.
Uchrashuvda 2025-yilda ikki va ko‘p tomonlama hamkorlikni kengaytirish rejalari muhokama qilindi va mamlakatlar o‘rtasidagi ulkan salohiyatni yuzaga chiqarishga alohida urg‘u berildi. Misrning mintaqaviy barqarorlikni ta’minlashdagi salmoqli sa’y-harakatlari o‘zbek tarafidan alohida e’tirof etildi.
