Iordaniya elchisi bilan uchrashuv to‘g‘risida
29-avgust kuni O‘zbekiston Respublikasi tashqi ishlar vazirining birinchi o‘rinbosari Baxromjon A’loyev Iordaniya Hoshimiylar Podshohligining mamlakatimizdagi elchisi Demiye Haddad bilan uchrashdi.
Uchrashuvda oliy darajadagi tashrif natijalari, shuningdek mamlakatlar o‘rtasida siyosiy, savdo-iqtisodiy aloqalar hamda madaniy-gumanitar hamkorlikni rivojlantirish, ikki va ko‘p tomonlama aloqalarni yanada mustahkamlash masalalari muhokama qilindi.
Shu bilan birga, 2025–2026 yillarga mo‘ljallangan qo‘shma tadbirlar rejasi yuzasidan atroflicha fikr almashildi.
